O grupo de 4º prepárase para unha tarde de traballo no invernadoiro.
Tamén observan a sementeira, as dúas zonas de raviños. Nico indica un raviño que xurde fóra da sementeira.
Parece que o apio comeza a asomar.
Clara explica o traballo que comezaron os de terceiro e que vai a continuar cuarto, en relación á plantación vertical. E comeza a acción. Queredes saber como foi esa tarde?
Preparar novas zonas de plantación, quitar herbiñas, completar a plantación vertical,...
Nico, co sacho, comeza a preparar a seguinte zona de plantación. Mentres, Diana e Yago quitan herbiñas para deixar ver como medran as cenorias.
Dous grandes sachadores, Samu e Nico que se reparten a terra a traballar.
O cebolín! A idea é plantalo hoxe...para iso hai que preparar a terra.
Bruno e Samu sachan no sitio que imos poñer as xudías e máis as fabas.
Juan, co enciño, alisa a zona central onde irá o cebolín e máis o repolo!
Anxo axuda a sachar e preparar a terra .
Traballando e quitando herbiñas, xurde o momento miñoca!
Clara aproveita para explicar o visto no Obradoiro adicado aos bichos.
Que ben o pasamos ainda que nos enfoumemos as mans coa turba!
Voluntarios e voluntarias para plantar o cebolín?
Atentos e atentas ao proceso para obter boas cebolas!
Vaia, a cámara coa batería esgotada non pode seguir rexistrando o traballo desta xornada. Haberá que esperar á seguinte tarde de traballiño!
Ningún comentario:
Publicar un comentario