Arranxado o problema dos plásticos escasos...chegaron os plásticos novos e moita actividade para a nosa xente !
No gasto dos plásticos e as grapas de inox foisenos practicamente a totalidade do orzamento aprobado para o noso Proxecto. Foi un gasto importante pero...unha boa inversión que redundará en moitísimos beneficios e en moita aprendizaxe.
Os grupos de alumnado protagonistas do Proxecto Voz Natura, nesta edición quixeron colaborar para colocar e tensar os plásticos. Ese día foi unha festa...e ademais o bo tempo axudou a facer máis doadas as tarefas.
Unha vez máis Pepe Casas e Antonio Díaz dirixían a actividade do pelotón de xoves axudantes.
O grupo de 3º curso de Primaria axudou a estirar os plásticos tanto por atrás como por diante!
A curiosidade levounos aos palés preparados para a compostaxe caseira.
Ferramenta nas máns e disposición de traballar!
Logo de estirar os plásticos é necesario tensalos e tensalos ben!
Para que? Pois para que non se destensen e se rompan co mal tempo e para que realicen ben a súa función.
A esta tarefa axudaron os grupos de 4º curso de Primaria, implicadísimos.
Tensando pola parte de atrás, dividindo por partes e colocando os largueiros.
Dennís pregunta e está moi atento ás indicacións de Pepe para poder transmitirlle aos compañeiros.
O quinto da fila de tensadores é Hugo Casas, o fillo de Pepe!Estamos en familia!
Para seguir tensando por baixo necesitamos cavar para colocar ben e doblado o plástico. Logo tamén necesitamos de terra para poñerlle peso...
Nico non dubidou en coller o sacho!
Tamén se animaron Diana, Miguel e máis compañeiros, pois Nico pediu reforzos.
Coa pala,collendo terra para logo botala enriba do plástico e a seguir tensando! Roque e Gabriel danlle xeito, verdade?
Antonio e Anxo unindo esforzos!
Reflexionando sobre o compost. Mauro explica.
A xornada foi longa, da mañá á noite pero...o traballo quedou feito! Lucen os plásticos novos do invernadoiro.
Moitísimas grazas a Pepe Casas e a Antonio, que dirixiron toda a operación! Polo seu tempo, o seu traballo, a súa dedicación e paciencia cos rapaces e rapazas.
Que ainda non rematou a faena? Que volve ao día seguinte coa súa propia maquinaria?
Claro, ainda hai traballo que facer...preparar o terreo! Arar e fresar... outra longa xornada, non si?
Ningún comentario:
Publicar un comentario